احببت ان يكون
هذا المساء مختلفا
نابضا بفرحتي
هذا المساء
اهديه لكم
بكل حب
وبين يدي
احمل لكم طيات
السلام
عدت وعادت معي
كلماتي
لتعانق حضوركم
امل ان تنال الاعجاب
وترتقي الاذواق
مســـــــــــــاء الضحكة
مساء الغيث في صحرا أرضها دوم عطشانه
مساءٍ فاض باحساسي .. وآلامي وهمّ شقاي
مساءٍ تاه بوجودك .. وتاه بدرب تبانه
حضورك توّج الفرحه .. وسام فبسمتي وبكاي
وأبهج خافق الخاطر .. ولوّع حاسد ألحانه
يقولون القمر غيّب .. خجولٍ شافك بيمناي
وطاحت هالنجوم اللي .. بدونك مالهن خانه
ضعت بكوكبك مسرى..وضيّع كوكبي مسراي
تخيل كنْ نظام الكون .. فعيني اختل ميزانه
يخالط صبحي الممسا ويصبح قطرةٍ بدماي
وتغرق في شراييني ..وتروي ورود ظميانه
حفظتك في ثنايا الوجد .. حفظتك كلمةٍ بشفاي
حفظتك مثل حفظ البحر للمحار والدانه
مسا الأشواق تاخذني .. من أول خطوتي لأقصاي
مسا لو وزّعه نورك .. يسد الكون باوطانه
الاربعاء, 28 نوفمبر, 2007
مرحبا بكم
مساء الضحكة والبسمه على ثغر القمر بسماي
أضف تعليقا
أضف تعليقا
<<الصفحة الرئيسية
